| Resumo: |
Long. 13 mill. — Oblonga, sat convexa, dilute piceola, vage ænescens, opaca, labro dilute testaceo, elytris utrinque plaga magna media, intus constricta et parte apicali lutosis, lateribus utrinque plagulis 2 triangularibus cum prothoracis lateribus æneo-pernitidis, quasi specularibus; capite basin versus attenuato, inter oculos subtiliter strigosulo, antice medio tuberoso, clypei margine infero nitide æneo-viridi, clypeo dilute testaceo, utrinque emarginato, medio producto et pluridentato, antennis gracilibus, vix prothoracis basin superantibus, basi testaceis; prothorace haud transverso, antice et basi æqualiter constricto, medio paulo angulatim valde dilatato, subtiliter coriaceo, antice transversim fortiter impresso, medio breviter striato, basi leviter transversim impresso et utrinque fovea viridi-metallica signato; elytris ad humeros angulatis, medio vix ampliatis, apice rotundatis, angulo suturali recto, dorso laxe punctatis et ad suturam punctis ocellatis distantibus impressis; subtus fusculo-ænescens, nitida, segmento anali rufescente profunde bifido, pedibus filiformibus, lutoso-fulvus, tibiis et tarsorum articulis apice fuscis. Hab. Yunnansen, Yunnan (Mgr. Excoffier).
|
